Shraddha Thik
साखर ही आपल्या आहारातील महत्त्वाचा घटक असतो. चहा-कॉफी, गोड पदार्थ किंवा कोणतेही पॅकेट फूड, बेकरी प्रॉडक्ट यांमध्ये साखर असतेच असते.
साखर ही आरोग्यासाठी अतिशय घातक असते. आपल्याला हे माहित असूनही आपल्याला साखर खाणं मात्र काही केल्या कंट्रोल होत नाही.
पण एकदा साखरेवर नियंत्रण मिळवून पाहिलं तर आरोग्याच्या बऱ्याच समस्या आपल्यापासून नक्कीच दूर राहण्यास मदत होऊ शकते.
तुम्हाला शरीरात सतत खूप ऊर्जा असल्यासारखे वाटेल. कारण आहारात साखर नसल्याने रक्तातील साखरेच्या प्रमाणात खूप जास्त चढउतार होणार नाहीत.
तुम्हाला नकळत खूप फ्रेश वाटण्यास मदत होईल. शरीरातील निओपेप्टाईड शुगरमुळे वाढते आणि त्यामुळे आपल्याला एकप्रकारचा थकवा किंवा आळस येतो. पण साखर बंद केली तर हा घटक वाढणार नाही आणि फ्रेश वाटण्यास मदत होईल.
साखर न खाल्ल्याचा आणखी एक महत्त्वाचा परीणाम म्हणजे सौंदर्यात भर पडेल. त्वचा चमकदार आणि नितळ होण्यास साखर न खाण्याचा चांगला फायदा होईल.
साखरेच्या घटकाचे प्रमाण कमी झाल्याने झोपेवरही त्याचा चांगला परीणाम होईल. लवकर आणि चांगली गाढ झोप लागण्यास मदत होईल. लहान मूल ज्याप्रमाणे एकदम गाढ झोपते तितकी गाढ झोप आल्याने झोप पूर्ण झाल्याचे समाधान मिळेल.