Shruti Vilas Kadam
१ कप सोयाबीन दाणे, १ कांदा बारीक चिरलेला, १ हिरवी मिरची, १ चमचा आले-लसूण पेस्ट, कोथिंबीर, मीठ, हळद आणि तेल.
सोयाबीन ६ ते ८ तास पाण्यात भिजत ठेवा. त्यानंतर पाणी काढून स्वच्छ धुवून घ्या.
भिजवलेले सोयाबीन, हिरवी मिरची आणि आले-लसूण पेस्ट मिक्सरमध्ये वाटून गुळगुळीत पेस्ट तयार करा.
तयार पेस्टमध्ये चिरलेला कांदा, कोथिंबीर, हळद आणि चवीनुसार मीठ घालून मिश्रण एकजीव करा.
नॉनस्टिक तवा गरम करून त्यावर थोडे तेल लावा. तयार मिश्रण डोश्याप्रमाणे गोल पसरवा.
मध्यम आचेवर चीला दोन्ही बाजूंनी सोनेरी रंग येईपर्यंत भाजून घ्या. त्यामुळे तो कुरकुरीत आणि स्वादिष्ट लागतो.
तयार सोयाबीन चीला हिरवी चटणी, टोमॅटो सॉस किंवा दह्यासोबत सर्व्ह करा. हा पौष्टिक नाश्ता मुलांपासून मोठ्यांपर्यंत सर्वांना आवडेल.