Priya More
साप म्हटलं की प्रत्येकाला भीती वाटते. साप चावल्यानंतर बऱ्याचदा माणसाचा जीव जातो.
भारतात सापांच्या ३०० ते ३५० प्रजाती आहेत. यामधील ६० प्रजाती विषारी आहेत.
भारतात नाग, मण्यार, व्हायपर आणि सॉ-स्केल्ड व्हायपर हे विषारी साप आहेत.
सापाचे विष हे रसायनांचे एक जटिल मिश्रण असते. ते शरीरातील विविध प्रणालींवर परिणाम करते.
सापांचे विष ३ प्रकारचे असते. यामध्ये न्यूरोटॉक्सिक विष, हेमोटॉक्सिक विष आणि सायटोटॉक्सिक विष यांचा समावेश आहे.
न्यूरोटॉक्सिक विष हे विष शरीराच्या मध्यवर्ती मज्जासंस्थेवर आणि नसांवर थेट परिणाम करते. या विषामुळे अवयव निकामी होऊ शकतात.
हेमोटॉक्सिक विष हे रक्त आणि रक्ताभिसरण संस्थेवर हल्ला करतात ज्यामुळे रक्त गोठणे थांबते आणि अंतर्गत रक्तस्त्राव होतो.
सायटोटॉक्सिक विष हे विष चावलेल्या जागेवरील पेशी आणि ऊती नष्ट करतात. यामुळे शरीराला तीव्र सूज, वेदना आणि ऊती मृत होण्याचा धोका असतो.