Shruti Vilas Kadam
दिवसभर पुरेशी विश्रांती न मिळाल्यास शरीराला झोपेची गरज वाढते. त्यामुळे उशीवर डोकं ठेवताच काही लोकांना लगेच झोप येते.
निरोगी व्यक्तींना झोपण्यासाठी साधारण १० ते २० मिनिटे लागणे सामान्य आहे. प्रत्येक व्यक्तीचा झोपेचा पॅटर्न मात्र वेगळा असतो.
जास्त विचार करणे, चिंता किंवा तणाव यामुळे मेंदू सक्रिय राहतो. त्यामुळे शरीर थकलेले असूनही झोप येण्यास अडचण होऊ शकते.
आपल्या शरीरातील सर्केडियन रिदम झोप आणि जागेपणाची वेळ नियंत्रित करतो. झोपेची वेळ सतत बदलत असल्यास किंवा रात्री उशिरापर्यंत जगण्याची सवय असल्यास झोपायला वेळ लागू शकतो.
संध्याकाळी चहा-कॉफी, निकोटीन तसेच झोपण्यापूर्वी मोबाईल किंवा इतर स्क्रीनचा वापर केल्याने मेंदू अधिक सक्रिय राहू शकतो आणि झोप उशिरा येऊ शकते.
दररोज उशीवर डोकं ठेवताच १–२ मिनिटांत झोप येत असेल, किंवा दिवसभर खूप झोप येत असेल, तर हे झोपेची गुणवत्ता खराब असल्याचे संकेत असू शकतात.
दररोज एकाच वेळी झोपणे-उठणे, सकाळचा सूर्यप्रकाश घेणे, दिवसभर सक्रिय राहणे, रात्री स्क्रीन कमी करणे आणि झोपण्यापूर्वी शांत वातावरण ठेवणे फायदेशीर ठरू शकते.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.