Shruti Vilas Kadam
एका स्वच्छ वाटीत एक चमचा बेसन घ्या. त्यात चिमूटभर हळद आणि आवश्यकतेनुसार थोडे दूध घालून गुळगुळीत पेस्ट तयार करा.
चेहरा स्वच्छ धुऊन घ्या. तयार पॅकचा पातळ थर चेहऱ्यावर लावा आणि डोळे व ओठांचा भाग टाळा. साधारण ५ ते १० मिनिटांनी पाण्याने हलक्या हाताने धुवा. फेसपॅक पूर्णपणे सुकू देऊ नका आणि चेहरा जोरात घासू नका. त्यानंतर त्वचेला मॉइश्चरायझर लावा.
बेसनाचा वापर त्वचा स्वच्छ करण्यासाठी केला जातो. बेसन आणि दूध एकत्र करून तयार केलेला फेसपॅक चेहऱ्यावर हलक्या हाताने लावता येतो. मात्र, त्वचा जोरात घासू नका, कारण त्यामुळे त्वचेची जळजळ होऊ शकते.
दुधामध्ये फॅट्स आणि प्रथिने असतात. काही लोक घरगुती फेसपॅकमध्ये दुधाचा वापर त्वचा मऊ वाटण्यासाठी करतात. मात्र, दूध लावल्याने त्वचेतील ओलावा दीर्घकाळ टिकतो, याचे ठोस पुरावे मर्यादित आहेत. संवेदनशील त्वचा असल्यास काळजी घ्या.
बेसन, हळद आणि दूध यांचे पॅक त्वचा हेल्दी राहावी म्हणून वापरले जाते. फेसपॅक काढल्यानंतर चेहरा स्वच्छ आणि ताजातवाना वाटू शकतो.
हळदीमध्ये कर्क्युमिन हा सक्रिय घटक असतो. हळदीत अँटिऑक्सिडंट गुणधर्म असतात. हळद चेहऱ्यावर लावल्याने पिंपल्स किंवा इतर त्वचेच्या समस्या दूर होतात.
फेसपॅक वापरण्यापूर्वी हाताच्या आतील बाजूला किंवा त्वचेच्या छोट्या भागावर पॅच टेस्ट करा. खाज, लालसरपणा किंवा जळजळ झाल्यास त्वरित धुवा आणि हा पॅक वापरणं थांबवा.