Shruti Vilas Kadam
ब्लू लाईटच्या सतत संपर्कामुळे त्वचेतील कोलेजन आणि इलास्टिनवर परिणाम होऊ शकतो. यामुळे सुरकुत्या, फाईन लाईन्स आणि त्वचा सैल पडण्याची शक्यता वाढते.
जास्त वेळ स्क्रीनसमोर राहिल्याने त्वचेचा नॅचरल ग्लो कमी होऊ शकतो. परिणामी चेहरा थकलेला आणि निस्तेज दिसू लागतो.
ब्लू लाईटमुळे त्वचेतील मेलेनिनचे उत्पादन वाढू शकते. त्यामुळे काळे डाग, पिग्मेंटेशन आणि त्वचेचा असमान रंग यांसारख्या समस्या उद्भवू शकतात.
ब्लू लाईटमुळे फ्री रॅडिकल्सची निर्मिती वाढते. हे त्वचेच्या पेशींना नुकसान पोहोचवून त्वचेचे आरोग्य बिघडवू शकतात.
त्वचेचा नैसर्गिक बॅरियर कमजोर झाल्यास कोरडेपणा, संवेदनशीलता आणि चिडचिडेपणा वाढू शकते. त्यामुळे त्वचा अधिक नाजूक बनते.
संवेदनशील त्वचा असलेल्या व्यक्तींमध्ये ब्लू लाईटमुळे सूज, जळजळ किंवा लालसरपणा वाढण्याची शक्यता असते.
रात्री उशिरापर्यंत मोबाईल किंवा लॅपटॉप वापरल्याने झोपेचे चक्र बिघडू शकते. अपुरी झोप त्वचेच्या पुनर्निर्मिती प्रक्रियेवर परिणाम करून त्वचा अधिक थकलेली दिसू शकते.