Surabhi Jayashree Jagdish
आजकाल जवळपास प्रत्येक घरात वॉशिंग मशिनचा वापर केला जातो. मात्र मशिनमध्ये कपडे धुताना गरम पाणी वापरावं की नाही याबाबत अनेकांना माहिती नसते. वॉशिंग मशिनमध्ये गरम पाणी वापरता येतं, पण त्यासाठी मशिनच्या सूचना तपासणं गरजेचं आहे.
वॉशिंग मशिनमध्ये पाणी वापरताना त्याचं तापमान लक्षात घ्यावं. साधारण ३० ते ४० अंश सेल्सिअस तापमानाचं पाणी अनेक प्रकारचे कपडे धुण्यासाठी उपयोगी ठरू शकते. मात्र तुमच्या मशिनच्या मार्गदर्शक सूचनांमध्ये दिलेल्या तापमानानुसारच पाणी वापरावं.
वॉशिंग मशिनमध्ये उकळतं पाणी थेट ओतू नये. खूप गरम पाण्यामुळे मशिनमधील रबराचे भाग आणि प्लास्टिकचे काही भाग खराब होऊ शकतात. त्यामुळे पाणी गरम करताना त्याचे तापमान योग्य आहे याची काळजी घ्यावी.
प्रत्येक प्रकारचे कापड गरम पाण्यात धुण्यास योग्य नसते. जास्त गरम पाण्यामुळे काही कपडे आकसू शकतात किंवा त्यांचा रंग फिका होऊ शकतो. त्यामुळे कपड्यांच्या लेबलवर दिलेल्या सूचनांनुसार पाण्याचं तापमान निवडावं.
अनेक नव्या वॉशिंग मशिन थंड पाण्याचा वापर करून कपडे धुण्यासाठी तयार केलेल्या असतात. त्यामुळे प्रत्येक वेळी गरम पाणी वापरण्याची गरज नसते. कपड्यांचा प्रकार आणि मशिनमधील उपलब्ध पर्याय पाहून पाणी निवडावं.
काही वॉशिंग मशिनमध्ये पाणी गरम करण्याची सोय असते तर काही मशिनमध्ये बाहेरून पाणी भरावं लागतं. बाहेरून गरम पाणी टाकण्यापूर्वी संबंधित मशिनमध्ये तसं करण्याची परवानगी आहे का, हे तपासावं. चुकीच्या पद्धतीने पाणी भरल्यास मशिनच्या कामात अडचण येऊ शकते.
कपडे धुताना त्यावरील धुण्याच्या सूचना आधी वाचाव्यात. टॉवेल आणि काही सुती कपड्यांसाठी गरम पाणी योग्य असू शकते, तर नाजूक किंवा रंगीत कपड्यांसाठी थंड पाणी चांगला पर्याय ठरू शकतो. त्यामुळे कपड्यांचा प्रकार, त्यावरील डाग आणि मशिनच्या सूचना लक्षात घेऊन पाणी वापरावं.