Shruti Vilas Kadam
बॉलिवूड अभिनेत्री रकुल प्रीत सिंग तिच्या चमकदार त्वचेसाठी महागडी सौंदर्यप्रसाधने नव्हे, तर घरी बनवलेले नैसर्गिक उपाय वापरते. तिच्या मते, त्वचेचं खरं सौंदर्य हे निसर्गातूनच येतं.
रकुलच्या फेसपॅकचा मुख्य घटक बेसन आणि हळद आहेत. हे दोन्ही घटक त्वचा उजळवतात आणि त्वचेतील अतिरिक्त तेल कमी करून तिला नैसर्गिक तेज देतात.
ती या फेसपॅकमध्ये दही आणि लिंबाचा रस मिसळते. दही त्वचेला मऊ आणि गुळगुळीत करते, तर लिंबातील सिट्रिक ऍसिड त्वचेवरील काळेपणा आणि टॅन कमी करण्यात मदत करते.
एका बाऊलमध्ये २ चमचे बेसन, चिमूटभर हळद, १ चमचा दही आणि काही थेंब लिंबाचा रस घालून नीट मिक्स करावे. हे मिश्रण चेहऱ्यावर लावून १० ते १५ मिनिटे सुकू द्यावे आणि मग कोमट पाण्याने धुवून टाकावे.
बेसन हा एक नैसर्गिक क्लिन्झर आहे. तो त्वचेवरील मळ, तेल आणि मृत कोशिका काढून टाकतो. नियमित वापर केल्यास त्वचा ताजीतवानी आणि मऊ होते.
हळद: सूज आणि पिंपल्स कमी करून त्वचेला नैसर्गिक ग्लो देते. दही: त्वचेतील ओलावा टिकवते आणि कोरडेपणा कमी करते. लिंबू: डाग, पिग्मेंटेशन आणि टॅनिंग कमी करून त्वचा उजळते.
रकुल सांगते की हा फेसपॅक आठवड्यातून दोनदा वापरावा. पण प्रत्येकाची त्वचा वेगळी असल्याने, संवेदनशील त्वचा असल्यास प्रथम पॅच टेस्ट करावी. आवश्यक असल्यास त्वचारोगतज्ञांचा सल्ला घ्यावा.