Sakshi Sunil Jadhav
सध्या बॉक्स ऑफीसवर राजा शिवाजी हा चित्रपट धुमाकुळ घालतोय. त्याची आत्तापर्यंतची कमाईही ४०.३४ कोटी रुपये झाली. हा आकडा वाढत चालला आहे.
छत्रपती शिवाजी महाराजांभोवती अनेक धाडसी निष्ठावान आणि पराक्रमी मावळे होते. त्यांनी स्वराज्याच्या उभारणीत मोठा वाटा उचलला.
राजा शिवाजी सिनेमामुळे या सर्व ऐतिहासिक व्यक्तींचे योगदान पुन्हा लोकांसमोर येत आहे. पुढील माहितीत आपण राजा शिवाजी या रितेश देशमुख दिग्दर्शित चित्रपटातील अधोरेखित झालेल्या इतिहासातील महत्वपूर्ण व्यक्तींबद्दल जाणून घेणार आहोत.
संभाजी शहाजी भोसले हे छत्रपती शिवाजी महाराजांचे थोरले बंधू होते. ते शहाजी राजांचे पहिले पुत्र होते. त्यांनी लहानपणापासून युद्धाच्या कला आत्मसात केल्या होत्या.
लखुजीराव जाधव हे छत्रपती शिवाजी महाराजांचे आजोबा होते. ते एक पराक्रमी सरदार होते आणि त्यांच्याच कुटुंबामुळे शिवाजी महाराजांना शौर्य आणि नेतृत्वाचे संस्कार मिळाले.
जिवाली महाले हे छत्रपती शिवाजी महाराजांचे अंगरक्षक होते. अफजलखानाच्या वधाच्या वेळी जिवाजी महाले यांनी महाराजांचे प्राण वाचवले होते.
पंताजी गोपीनाथ बोकील हे छत्रपती शिवाजी महाराजांचे वकील आणि मुत्सद्दी होते. त्यांनी स्वराज्याच्या राजकारणात आणि तहांमध्ये महत्त्वाची भूमिका बजावली.