Sakshi Sunil Jadhav
तुम्ही रोज पुश - अप्स करत असाल तर तुमची छाती, खांदे, हात आणि कोअर हे मजबूत होतात. त्यामुळे तुम्हाला तुमची शारीरिक ताकद आणि सहनशक्ती किती आहे हे कळतं.
तज्ज्ञांच्या मते, २० ते २९ वयोगटातल्या पुरुषांनी जास्तीत जास्त ३० ते ४५ पुश-अप्स केले पाहिजेत. तर महिलांनी १५ ते २९ पुश - अप्स केले पाहिजेत.
३० ते ४० वयोगटातल्या पुरुषांनी २० ते ३४ पुश - अप्स करण्यावर भर दिला पाहिजे. तर महिलांनी १० ते २४ पुश - अप्स करणे योग्य ठरेल.
४० वर्षांनंतर पुरुषांनी १५ ते २८ आणि महिलांनी ६ ते १० पुश - अप्स करण्याची ताकद ठेवली पाहिजे. रोजच्या रोज व्यायाम केल्यावर तुम्ही सहज पुश - अप्स करू शकता.
५० ते ५९ वयोगटातल्या पुरुषांसाठी १० ते २४ पुश-अप्सचा आकडा योग्य मानला जातो. महिलांनी ३ ते १४ पुश-अप्स करण्याचा प्रयत्न केला पाहिजे.
६० वर्षांवरच्या पुरुषांनी ६ ते १९ पुश - अप्स करण्याची ताकद ठेवली पाहिजे. महिलांसाठी १ ते १२ पुश - अप्सही फायदेशीर ठरू शकतात.
पुश - अप्स करताना शरीर सरळ ठेवा आणि योग्य फॉर्म राखण्याचा प्रयत्न करा. चुकीच्या पद्धतीने जास्त पुश-अप्स केल्यावर तुम्हाला दुखापत होऊ शकते.
तुम्ही रोज व्यायाम करत असाल तर तज्ज्ञांच्या मते, २० साव्या वर्षापासूनच रोज व्यायाम करणारा व्यक्ती ४०, ५० किंवा ६० व्या वर्षातही चांगला फिट राहू शकतो.
सुरुवातीला कमी पुश - अप्स करून हळूहळू संख्या तुम्ही वाढवू शकता. सातत्य, पुरेसा आराम आणि चांगलं रुटीन फॉलो केल्यामुळे सहा आठवड्यांत बऱ्याच सुधारणा दिसू शकतात.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं कुठलेही समर्थन अथवा दावा करत नाही.