Sakshi Sunil Jadhav
घर भाड्याने दिल्यानंतर फक्त भाडे मिळणे पुरेसं नाही. भाडेकरूची ओळख आणि पार्श्वभूमी तपासणं ही घरमालकांची महत्त्वाची जबाबदारी आहे.
भाडेकरुंची माहिती पोलिसांकडे न दिल्याप्रकरणी पुणे शहरातले विविध पोलिस ठाण्यांमध्ये १७० गुन्हे दाखल करण्यात आले आहेत.
घर भाड्याने देण्याआधी भाडेकरूचे ओळखपत्र आणि आवश्यक कागदपत्रे तपासणे गरजेचे आहे. ओळखपत्रावरची माहिती खरी आणि अचूक असल्याची खात्री करा.
भाडेकरूचा कायमचा पत्ता आणि संपर्क क्रमांक घरमालकांनी नोंदवून ठेवावा. करारपत्रामध्येही ही माहिती अचूकपणे नमूद करणं महत्त्वाचं आहे.
भाडेकरूची आवश्यक माहिती स्थानिक पोलिस ठाण्यात नोंदवणं आवश्यक आहे. यामुळे भविष्यात कोणतीही संशयास्पद घटना घडल्याने पोलिसांना तपासात मदत होते.
घर भाड्याने देताना योग्य पद्धतीने भाडेकरार करणे आवश्यक आहे. करारातील नाव, पत्ता, संपर्क क्रमांक आणि इतर माहिती अचूक असल्याची खात्री करा.
भाडेकरूंची माहिती पोलिसांना देण्यासाठी पुणे पोलिसांच्या संकेतस्थळावर सुविधा उपलब्ध आहे. त्यामुळे घरमालकांना प्रत्येक वेळी प्रत्यक्ष पोलिस ठाण्यात जाण्याची गरज भासणार नाही.
भाडेकरार न करणे किंवा भाडेकरूची माहिती पोलिसांना न देणे याबाबत संबंधित कायदेशीर तरतुदींनुसार कारवाई होऊ शकते.