Shruti Vilas Kadam
प्राजक्ता गायकवाड आणि शंभुराज खुटवड यांनी २ डिसेंबर २०२५ रोजी विवाहबंधनात अडकत नव्या आयुष्याची सुरुवात केली आहे.
लग्नाच्या दिवशी प्राजक्ताने हिरव्या रंगाची नऊवारी साडी, पारंपरिक नथ, बांगड्यांचा चुडा आणि शाल परिधान केली होती. शंभुराजचा पारंपरिक लूकही चाहत्यांमध्ये चर्चेचा विषय ठरला.
ऑगस्ट २०२५ मध्ये त्यांचा साखरपुडा झाला होता. त्यानंतर केळवण, हळद, मेहंदी असे सर्व लग्नपूर्व विधी उत्साहात पार पडले आणि अखेर दोघांचा विवाहसोहळा साजरा झाला.
प्राजक्ताच्या घरी पार पडलेल्या मेहंदी, घाणा आणि इतर विधी अत्यंत पारंपरिक पद्धतीने झाले. तिच्या मेहंदीवर शंभुराजचे नाव सुबकपणे रेखाटलेले होते.
प्राजक्ता लोकप्रिय अभिनेत्री असल्यामुळे तिच्या लग्नाबद्दल चाहत्यांमध्ये मोठी उत्सुकता होती. लग्नाच्या फोटोंवर चाहत्यांनी शुभेच्छांचा वर्षाव केला आहे.
प्राजक्ताने सांगितले की, सुरुवातीला तिने शंभुराजला ‘दादा’ म्हणून संबोधले होते. ओळखीचे नाते हळूहळू मैत्रीत, आणि नंतर प्रेमात बदलले. आता ते जीवनसाथी झाले आहेत.
या विवाहामुळे संपूर्ण मराठी मनोरंजन क्षेत्रात आनंदाचे वातावरण पसरले आहे. सोशल मीडियावर अभिनंदन संदेश, पोस्ट्स आणि चर्चांची लगबग सुरू आहे.