Shruti Vilas Kadam
प्लँक केल्यामुळे पोटाचे स्नायूंवर ताण येतो. त्यामुळे पोटाचे स्नायू मजबूत होण्यास मदत होते.
योग्य पद्धतीने प्लँक केल्यास पाठीच्या आणि कंबरेच्या स्नायूंना आधार मिळतो आणि पोश्चर सुधारण्यास मदत होते.
नियमित प्लँकमुळे पोटाचे स्नायू सक्रिय राहतात. मात्र केवळ प्लँक केल्याने पोटाची चरबी कमी होत नाही; त्यासाठी आहार आणि इतर व्यायामही महत्त्वाचे आहेत.
प्लँक करताना शरीर स्थिर ठेवावे लागते. त्यामुळे बॅल्नस आणि शरीराची स्थिरता सुधारण्यास मदत होते.
प्लँक हा फक्त पोटासाठी नसून खांदे, हात, नितंब आणि पायांचे स्नायूही सक्रिय करतो.
कोपर खांद्याच्या सरळ खाली ठेवून पाय मागे ताणा. डोक्यापासून टाचांपर्यंत शरीर एका सरळ रेषेत ठेवा, पोट आत ओढून श्वास सामान्यपणे घ्या. कंबर वर उचलू नका किंवा खाली सोडू नका.
सुरुवातीला 20–30 सेकंदांचे 3 सेट पुरेसे आहेत. क्षमता वाढल्यावर वेळ हळूहळू वाढवा. 10 मिनिटे सलग प्लँक करण्यापेक्षा योग्य पोश्चर ठेवणे अधिक महत्त्वाचे आहे.