Sakshi Sunil Jadhav
लोणावळ्यातील पवना लेक कॅम्पिंग हे पर्यटकांसाठी हिवाळ्यातील सर्वात आकर्षक स्पॉट आहे. हिरवा गार निसर्ग, थंड हवा आणि तलावकिनाऱ्याचं सौंदर्य अनुभवण्यासाठी हा हंगाम अगदी योग्य असतो.
पुढे आपण याच दिवसात मित्रांसोबत कॅम्पिंग ट्रिपसाठी आवश्यक माहिती, बजेट आणि जवळच्या पर्यटनस्थळांची यादी जाणून घेणार आहेत.
पवना लेक हे लोणावळ्यापासून सुमारे 20 किमी अंतरावर आहे. मुंबईहून सुमारे 120 किमी आणि पुण्याहून 60 किमी अंतरावर. गाडी किंवा ट्रेनने सहज पोहोचता येतं.
हिवाळ्यात नोव्हेंबर ते फेब्रुवारी या दरम्यान हा कॅम्पिंगसाठी सर्वात योग्य काळ आहे. या काळात हवामान थंड, प्रसन्न आणि फोटोग्राफीसाठी उत्तम असतं.
तुम्हाला येथे लेक व्ह्यू टेंट, बोनफायर, बार्बेक्यू, म्युझिक नाईट आणि ताऱ्यांखाली डिनर अशा सुविधा उपलब्ध असतात. काही ठिकाणी लक्झरी टेंट्स आणि खासगी बोनफायरची सुविधाही दिली जाते.
शाकाहारी आणि मांसाहारी दोन्ही प्रकारचं जेवण दिलं जातं. नाश्ता, संध्याकाळचा चहा, आणि रात्रीचं जेवण हे पॅकेजमध्ये असतं.
साधारण कॅम्पिंग पॅकेज प्रति व्यक्ती ₹1000 ते ₹1800 पर्यंत असतं. लक्झरी टेंटसाठी किंमत ₹2500–₹3500 दरम्यान असते.
टायगर पॉइंट, भुशी डॅम, लायन्स पॉइंट, तुंग किल्ला, टिकोना किल्ला आणि लोणावळा मार्केट या ठिकाणी भेट देता येते.
पवना लेकपर्यंत स्वतःची कार, बाईक किंवा कॅबने जाणं सोयीस्कर आहे. सार्वजनिक वाहतूक थोडी मर्यादित आहे.
गरम कपडे, स्पोर्ट शूज, टॉर्च, पॉवर बँक, आणि आवश्यक औषधं सोबत ठेवा. थंड हवेमुळे ब्लँकेट किंवा शॉलही घ्या.