Manasvi Choudhary
सकाळी मुलांच्या शाळेची तयारी, ऑफिसची घाई, डब्याची तयारी यामुळे नाश्ता बनवणे अनेकांसाठी कठिण होते. तसेच सकाळी नाश्त्याला नेमकं काय बनवायचे हा प्रश्न देखील महिलांसमोर रोजच असतो.
अशावेळी तुम्हालाही जर रोज काय बनवायचा? असा प्रश्न असेल आणि वेळ मिळत नसेल तर तुम्ही असे काही पदार्थ आधीच बनवून ठेवा जे आठवडाभर ताजे आणि हेल्दी राहतील.
साऊथ इंडियन ब्रेकफास्ट हा सर्वात हेल्दी आणि झटपट होणारा नाश्ता आहे. तुम्ही विकेंडला इडली डोशाचे तयार पीठ करून ठेवा. दररोज सकाली उठल्यानंतर फक्त पॅनवर डोसा करणे हे अत्यंत झटपट काम असेल.
जर तुम्हाला सकाळी काहीतरी पौष्टिक खायचे असेल, पण वेळ नसेल, तर रात्रीच ओव्हरनाईट ओट्स तयार करून ठेवा. एका काचेच्या जारमध्ये ओट्स, दूध, मध, चिया सीड्स आणि आवडते ड्रायफ्रूट्स किंवा फळे घालून नीट मिक्स करा आणि झाकण लावून फ्रिजमध्ये ठेवा.
लहाना मुलांना पराठे आवडत असतील तर तुम्ही आदल्या दिवशी बटाटा, मूग डाळ किंवा मेथीचे सारण बनवून फ्रिजमध्ये ठेवा. सकाळी फक्त लाटून गरमा गरम पराठे भाजून घ्या.
मेथी, कोथिंबीरचे थेपले अनेकांना आवडतात. तुम्ही आदल्या दिवशी रात्री थेपले लाटून चांगले भाजून ठेवू शकता. हे थेपले एअर टाईट डब्यात २-३ दिवस ताजे राहतात.
जर सकाळी नाश्त्याला अजिबात वेळ नसेल आणि हलकेफुल्के काहीतरी हवे असेल, तर मखाणे तुपामाध्ये कुरकुरीत भाजून मसाला लावून डब्यात भरून ठेवा. तसेच, खजूर आणि सुकामेव्याचे लाडू तुम्ही आधीच बनवून ठेवा.