कोमल दामुद्रे
आई-वडील मुलांसमोर ज्या काही गप्पा-गोष्टी करतात, त्या मुलांच्या मनात कायम घर करून राहतात. त्यामुळं मुलांसमोर काय बोलू नये किंवा कोणत्या गप्पा मारू नयेत हे जाणून घेऊयात.
मुलांसमोर कधीच एकमेकांबद्दल वाईट बोलू नये. असं केल्यास त्यांच्या मनावर वाईट परिणाम होतो.
पैशांची चणचण किंवा काही अडचणी असल्यास त्याबाबत मुलांसमोर चर्चा करू नये. या गोष्टींमुळं त्यांचं मन खट्टू होतं.
एखाद्या आजारानं त्रस्त आहात, तर त्याबाबत मुलांसमोर काहीही बोलू नका. कारण अशा गोष्टी कानावर आल्यानं मुलांना नैराश्य येण्याची भीती असते.
आपल्या मुलांची तुलना इतर मुलांशी करू नये. त्यामुळं मुलांमध्ये न्यूनगंडाची भावना निर्माण होते.
मुलांसमोर चुकीची भाषा किंवा आक्षेपार्ह शब्दांचा वापर करू नये. मुलं इतरांशी बोलताना अशीच भाषा वापरू शकतात.
एखाद्या मुद्द्यावर मुलांसमोरच वाद घालू नये. एखादा चुकीचा किंवा आक्षेपार्ह शब्द वापरलात तर, त्याचा थेट परिणाम मुलांवर होतो.
मुलांसमोर कधीही खोटं बोलू नये. असं केल्यास मुलांनाही या वाईट सवयी लागू शकतात.