Shreya Maskar
नवरात्रीच्या गरब्यासाठी घागरा-चोळी, चनिया चोळी आणि पारंपरिक गुजराती लूकसोबत पैंजण हा लूक अधिक आकर्षक बनवतो. पारंपरिक चांदीच्या पैंजणांपासून ते ऑक्सिडाइज्ड आणि घुंगरू डिझाइन्सपर्यंत अनेक प्रकार सध्या स्टायलिश दिसतात.
छोट्या-छोट्या घुंगरूंनी सजलेले पैंजण गरबा लूकसाठी परफेक्ट आहेत. नृत्य करताना घुंगरूंचा आवाज लूकला पारंपरिक टच देतो. रंगीबेरंगी घागऱ्यासोबत सिल्व्हर घुंगरू पैंजण विशेष उठून दिसतात.
ऑक्सिडाइज्ड ज्वेलरीचा ट्रेंड आवडत सुरु आहे. यामध्ये पारंपरिक नक्षीकाम आणि काळसर-सिल्व्हर फिनिश असल्यामुळे गरबा किंवा दांडिया लूकला बोहो टच मिळतो.
दोन किंवा तीन साखळ्यांचे मल्टी-लेयर पैंजण पायांना भरगच्च आणि आकर्षक लूक देतात. साध्या घागरा-चोळीवर असे पैंजण घातल्यास जास्त दागिने न घालताही लूक उठून दिसतो.
पारंपरिक लूकमध्ये थोडा एलिगंट टच हवा असेल तर मोत्यांचे पैंजण उत्तम पर्याय आहेत. पेस्टल, पांढऱ्या किंवा हलक्या रंगाच्या चोळी-घागऱ्यासोबत मोत्यांची डिझाइन सुंदर दिसते.
फुलांच्या आकारातील चार्म किंवा नक्षीकाम असलेले पैंजण नवरात्रीच्या फेस्टिव्ह लूकसाठी सुंदर पर्याय आहेत. विशेषतः फ्लोरल प्रिंट किंवा हलक्या रंगाच्या घागऱ्यासोबत ही डिझाइन आकर्षक दिसते.
नवरात्रीचा लूक अधिक कलरफुल करण्यासाठी रंगीत बीड्स असलेले पैंजण वापरता येतात. लाल, हिरवा, पिवळा, निळा अशा रंगांचे बीड्स असलेले पैंजण मिरर वर्क किंवा मल्टीकलर घागरा-चोळीवर विशेष खुलून दिसतात.
छोट्या चेनसोबत फुलं, पानं, चंद्र, मोर किंवा इतर आकर्षक चार्म असलेले पैंजण मॉडर्न लूक देतात. पारंपरिक घागरा-चोळीला क्यूट आणि स्टायलिश टच मिळतो.