Shreya Maskar
सकाळी झोपेतून उठल्यानंतर हाताची बोटे आखडल्यासारखी वाटणे, मुठ आवळताना त्रास होणे, हात जड पडणे किंवा बोटे हलवताना कडकपणा जाणवणे, अशी लक्षणे अनेकांना जाणवतात.
काही वेळा थोडी हालचाल केल्यानंतर हा त्रास कमी होतो. मात्र हा त्रास वारंवार होत असेल, तसेच वेदना व सूज येत असेल तर त्यामागे इतर अनेक कारणे असू शकतात.
सकाळी उठल्यानंतर हाताची बोटे आणि मनगट आखडल्यासारखे वाटण्यामागे संधिवात असू शकतो. सकाळी बोटे हलवताना कडकपणा जाणवतो. हाताच्या सांध्यांमध्ये वेदना किंवा सूज येऊ शकते.
रुमेटॉइड आर्थराइटिस हा शरीराच्या रोगप्रतिकारक यंत्रणेशी संबंधित आजार आहे. यामध्ये शरीराची रोगप्रतिकारक यंत्रणा चुकून सांध्यांवर परिणाम करते. दोन्ही हातांच्या बोटांच्या सांध्यांमध्ये वेदना जाणवतात. हाताने वस्तू पकडताना किंवा मुठ आवळताना त्रास होतो.
मनगटातून जाणाऱ्या मध्यवर्ती मज्जातंतूवर दाब आल्यामुळे हा त्रास होतो. झोपताना मनगट वाकलेल्या स्थितीत राहिल्यास काही लोकांमध्ये लक्षणे वाढू शकतात. सकाळी हात सुन्न पडल्यासारखा वाटते. अंगठा, मधल्या बोटात मुंग्या येतात. हातात जळजळ किंवा वेदना होतात.
दिवसभर मोबाईल वापरणे, संगणकावर काम करणे, सतत टायपिंग करणे किंवा हाताने वारंवार एकच काम करणे यामुळे स्नायू आणि सांध्यांवर ताण येऊ शकतो. यामुळे सकाळी हात कडक वाटणे, बोटे हलवताना वेदना जाणवतात.
झोपताना हाताखाली डोके ठेवणे, हात शरीराखाली दाबला जाणे किंवा मनगट जास्त वाकलेल्या स्थितीत राहणे यामुळे नसांवर किंवा रक्तवाहिन्यांवर तात्पुरता दाब येऊ शकतो. त्यामुळे सकाळी उठल्यावर हात जड होतात.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.