Chetan Bodke
‘तेरी मेरी यारी...’ म्हणत अनेक प्रेक्षकांच्या आजही हृदयावर राज्य करणाऱ्या दुनियादारीला येत्या १९ जुलै रोजी यशस्वी दशकपुर्ती होणार आहे.
चित्रपटाला एक दशक पुर्ण होणार असल्याने या चित्रपटाने नुकताच एका कार्यक्रमाला हजेरी लावली आहे.
संजय जाधव दिग्दर्शित दुनियादारी चित्रपटाला येत्या १९ जुलै एक दशक पुर्ण होणार असल्याने चित्रपटाच्या संपूर्ण टीमने ‘चला हवा येऊ द्या’च्या सेटवर हजेरी लावली आहे.
या विषयीची माहिती मराठी अभिनेत्री सई ताम्हणकर हिने खास फोटो शेअर करत माहिती दिली आहे.
यावेळी ‘चला हवा येऊ द्या’च्या सेटवर दिग्दर्शक संजय जाधव, सई ताम्हणकर, स्वप्निल जोशी, अंकुश चौधरी, सुशांत शेलार हे सेलिब्रिटी येणार आहेत.
सोबतच उमेश जाधव, समीर साप्तिस्कर, सायली पंकज, पंकज पडघण, रोहित राऊत, अमितराज या संगीतकरांनी देखील शोमध्ये प्रमुख हजेरी लावली आहे.
‘दुनियादारी’च्या सिक्वेलची गेल्या वर्षी ‘फ्रेंडशिप डे’च्या निमित्ताने घोषणा करण्यात आली आहे.
‘पुन्हा दुनियादारी’ असं या चित्रपटाचं नाव असून प्रेक्षकांना ‘दुनियादारी’ नव्या रूपात आणि नव्या ढंगात पाहायला मिळणार आहे.