Shruti Vilas Kadam
कोफ्त्यासाठी २०० ग्रॅम पनीर, २ उकडलेले बटाटे, २ चमचे कॉर्नफ्लोअर, मीठ आणि थोडा गरम मसाला घ्या. ग्रेव्हीसाठी २ टोमॅटो, १ कांदा, काजू, आलं-लसूण पेस्ट, क्रीम, तेल आणि आवश्यक मसाले तयार ठेवा.
पनीर किसून घ्या आणि त्यात मॅश केलेले बटाटे, कॉर्नफ्लोअर, मीठ व गरम मसाला घाला. सर्व साहित्य एकत्र करून मऊसर मिश्रण तयार करा. मिश्रण खूप ओलसर असल्यास थोडं कॉर्नफ्लोअर वाढवा.
मिश्रणाचे छोटे गोल गोळे तयार करा. कढईत तेल गरम करून मध्यम आचेवर कोफ्ते सोनेरी आणि कुरकुरीत होईपर्यंत तळा. कोफ्ते फुटू नयेत म्हणून तळण्यापूर्वी एका छोट्या गोळ्याची चाचणी करा.
कढईत थोडं तेल किंवा बटर गरम करा. त्यात कांदा, टोमॅटो, आलं-लसूण पेस्ट आणि भिजवलेले काजू घालून शिजवा. मिश्रण थंड झाल्यावर मिक्सरमध्ये बारीक वाटून घ्या.
कढईत बटर गरम करून त्यात वाटलेला मसाला घाला. हळद, तिखट, धणेपूड, गरम मसाला आणि चवीनुसार मीठ घालून परता. आवश्यकतेनुसार पाणी घालून ग्रेव्ही शिजवा. शेवटी क्रीम घालून मंद आचेवर एक उकळी आणा.
तयार ग्रेव्ही गॅसवरून उतरवल्यानंतर त्यात तळलेले कोफ्ते घाला. कोफ्ते ग्रेव्हीत जास्त वेळ ठेवल्यास ते मऊ पडू शकतात. त्यामुळे सर्व्ह करण्याच्या अगदी आधीच कोफ्ते घालणं उत्तम.
तयार मलाई कोफ्त्यावर थोडं फ्रेश क्रीम, बारीक चिरलेली कोथिंबीर आणि कसुरी मेथी घाला. गरमागरम मलाई कोफ्ता बटर नान, रोटी, पराठा किंवा जिरा राइससोबत सर्व्ह करा.