Sakshi Sunil Jadhav
आजकाल सुंदर दिसण्यासाठी हेवी मेकअपची गरज नसते. फक्त योग्य हेअरस्टाईल निवडली तरी तुमचा लूक पूर्णपणे बदलू शकतो. विशेषतः लांब चेहऱ्यांसाठी योग्य हेअरस्टाईल निवडणं महत्त्वाचं आहे.
बटा आणि मोकळे केस ही क्लासिक आणि एलिगंट हेअर स्टाईल लांब चेहऱ्याचा लूक बॅलेन्स करते. गालाजवळ व्हॉल्यूम दिल्याने चेहरा सॉफ्ट आणि आकर्षक दिसतो.
मॉडर्न आणि रोमँटिक लूकसाठी लो अंबाडा उत्तम पर्याय आहे. समोर हलक्या बटा सोडल्याने चेहऱ्याची तीक्ष्णता कमी होते.
नैसर्गिक टेक्स्चर असलेल्या वेव्ह्ज तुम्हाला बोल्ड आणि स्टायलिश लूक देतात. एथनिक किंवा वेस्टर्न दोन्ही आउटफिटवर परफेक्ट दिसतात.
हाय-फॅशन लूकसाठी केस हलके फुगवून मागे वळवा. यामुळे चेहऱ्याची लांबी बॅलेन्स दिसते आणि क्लीन लूक मिळतो.
साइड पार्टिंगमुळे कपाळाची रुंदी कमी भासते. सॉफ्ट कर्ल्समुळे चेहऱ्यावर मोहक आणि ग्लॅमरस इफेक्ट येतो.
हाफ-अप हाफ-डाउन स्टाईल ही कॅज्युअल आणि पारंपारिक दोन्ही लूकसाठी योग्य आहे. समोरील बटा जबड्याची रेषा ठळक करतात.
लांब पोनीटेल करून समोरील बटा सोडल्याने चेहऱ्याला सुंदर आकार मिळतो आणि लांबी कमी भासते.
लेयर्समुळे केसांना बाऊन्स आणि घनता मिळते. लांब चेहऱ्याला हेअरकटमुळे संतुलित लूक मिळतो.
फ्रिंज किंवा हलकी पुढची बट कपाळ झाकते, त्यामुळे चेहरा जास्त प्रपोर्शनल दिसतो. ऑफिस आणि कॉलेजसाठी हा सोपा आणि स्मार्ट पर्याय आहे.