Sakshi Sunil Jadhav
महत्त्वाच्या विषयावर चर्चा सुरू असताना पाल चुकचुकली. तर ती चर्चा किंवा बोललेली गोष्ट खरी ठरते, असा मागील अनेक दिवसांपासून समज आहे.
जेव्हा एखादी व्यक्ती भविष्यातील काही गोष्टीवर चर्चा सुरू असते आणि नेमकी त्याच वेळी पाल चुकचुकते. त्यावेळी ते बोलणे खरे होणार, असे आवर्जून म्हटले जाते.
अनेक लोक पालीस 'सरस्वतीचे' रूप मानतात. त्यामुळे तिच्या आवाजाला दैवी संमती किंवा ईश्वरी आशीर्वाद मानले जाते.
साधारणपणे बोलताना पाल चुकचुकणे शुभ मानले जाते. पण पालीचे पडणे किंवा अंगाच्या कोणत्या भागावर पाल पडते त्यावरून शुभ-अशुभ असे दोन्ही अर्थ काढले जातात.
विज्ञानानुसार, पाल चुकचुकणे हा तिचा नैसर्गिक आवाज आहे. कीटकांना आकर्षित करण्यासाठी किंवा इतर पाल्यांशी संवाद साधण्यासाठी ती हा आवाज काढते. त्याचा मानवी संवादाशी कोणताही संबंध नाही.
हा वर्षानुवर्षे समज आहे. पण सकारात्मक गोष्ट बोलताना पाल चुकचुकते, तेव्हा त्या व्यक्तीला एक प्रकारचा मानसिक आधार आणि आत्मविश्वास मिळतो.
पूर्वी या गोष्टींवर खूप विश्वास ठेवला जायचा. आताच्या काळात ही केवळ एक 'म्हण' किंवा गंमत म्हणून पाहिली जाते.
पालीस घराची रक्षक मानले जाते, कारण ती घरातील उपद्रवी कीटक खाते.
ज्योतिषशास्त्रात पाल कोणत्या दिशेला बसून चुकचुकते, यालाही विशेष महत्त्व दिले गेले आहे. प्रत्येक दिशेनुसार त्याचे वेगवेगळे फळ सांगितले जाते.
'पाल चुकचुकणे' हा विषय अनेकांसाठी निव्वळ योगायोग आहे. अनेकांसाठी तो एक आशेचा किरण असतो.