ब्युरो रिपोर्ट, साम टीव्ही, मुंबई
आज महिला ज्येष्ठ पौर्णिमा म्हणजेच वटपौर्णिमा साजरी करत आहेत.
सुवासिनी महिला या दिवशी वडाच्या झाडाची मनोभावे पूजा करतात.
पतीच्या प्राणांचे रक्षण व्हावे आणि आपल्या पतीला दीर्घायुष्य लाभावे, यासाठी सुवासिनी महिला पौर्णिमेच्या दिवशी सावित्रीसारखे व्रत आचरतात.
असं म्हटंले जाते, सावित्रीने आपल्या पतीची सेवा वडाच्या झाडाखाली केली. तेथेच यमदेवांनी सत्यवानाला त्याचे आयुष्य परत दिले. त्यामुळे वडाच्या झाडाचे पूजन केले जाते,
वटपौर्णिमेत वडाच्या झाडाला जास्त महत्त्व आहे. सर्व सुवासिनी वडाच्या झाडाजवळ येऊन वटसावित्रीची पुजा करतात
माहितीनुसार, वडाच्या झाडांच्या मुळांमध्ये ब्रम्हा, झाडामध्ये विष्णू आणि फांद्यांमध्ये भगवान शिवाचा वास असतो. म्हणून हे झाड त्रिमुर्तीचे प्रतीक मानले जाते.
तसेच वडाचे झाड हे मोठे दीर्घायुषी असते. आणि पतीच्या दीर्घायुष्यासाठीच वटपौर्णिमेचे व्रत केले जाते.