Shreya Maskar
मुतखडा होण्याचे मुख्य कारण म्हणजे पुरेसे पाणी न पिणे, पौष्टिक आहाराचा अभाव आणि कौटुंबिक इतिहास आहे.
तुम्हाला किडनी स्टोनची समस्या असेल तर तीव्र कंबरदुखीचा त्रास सुरू होतो. बरगड्यांच्या खाली पाठीत किंवा बाजूला तीव्र वेदना, जी जांघेपर्यंत पसरू शकते.
जेव्हा खडा मूत्राशयाच्या जवळ येतो, तेव्हा लघवी करताना जळजळ, वेदना होतात. जळजळीमुळे लघवी गुलाबी, लाल किंवा तपकिरी रंगाची दिसते.
खड्यामुळे लघवीचा सामान्य प्रवाह थांबल्याने लघवीचे फक्त लहान थेंब पडतात. पण वारंवार शौचालयात जाण्यासाठी अचानक तीव्र दाब जाणवतो.
मुतखड्याची समस्या असलेल्या लोकांच्या लघवीचा रंग बदलतो तसेच लघवीला दुर्गंधी देखील येते. लघवीच्या रंगात किंवा वासात बदल, जे जळजळ किंवा संसर्ग दर्शवू शकते.
तुम्हाला मळमळ आणि उलट्यांचा त्रास वारंवार जाणवतो. गंभीर अंगदुखीमुळे पोट खराब होते. किडनीच्या बाजूला तीव्र वेदना उद्भवतात.
किडनी स्टोन , किडनीला इन्फेक्शन झाले असेल तर ताप येतो. हे सामान्य लक्षण आहे.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.