Sakshi Sunil Jadhav
उन्हाळा आला की सगळ्यांच्या खाण्यापिण्यात बदल होतात. तसेच या ऋतूत अनेक फळ खायला मिळतात.
सगळ्यात आधी लोक आतूरतेने वाट पाहत असतात ती, कैरीची. हे नाव घेताच तोंडाला पाणी सुटतं.
पुढे आपण एक सोपी आणि चवीला सगळ्यात भन्नाट अशी कैरीच्या मुखवासाची किंवा वाळवणाची पारंपारिक रेसिपी जाणून घेणार आहोत.
सर्वप्रथम कैरी व्यवस्थित साल काढून सोलून घ्या. मग त्यातली कोय काढून घ्या.
आता कैरी उभ्या आकारात थोडी पातळ कापा. हे काप जास्त जाड ठेवू नका.
पुढे कैरीमध्ये काळं मीठ, जीरे पावडर, लाल तिखट, चाट मसाला आणि पीठी साखर घाला.
मसाल्यांचे प्रमाण फार जास्त ठेवू नका. कारण ते कैरीला जास्त खारट बनवतील.
पुढे मसाला व्यवस्थित चोळून घ्या. शक्यतो हाताचाच वापर करुन मिक्स करा.
आता ही कैरी एका प्लेटमध्ये किंवा सूपात २ दिवस उन्हात ठेवून सुकवून घ्या आणि सर्व्ह करा. ही कैरी वर्षभर टिकू शकते.