Sakshi Sunil Jadhav
पावसाळ्यात वातावरणातला हा बदल आद्रता आणि कमी शारीरिक हालचालींमुळे अनेकांना सांधेदुखी आणि गुडघेदुखीचा त्रास वाढतो. अशा वेळी सतत औषधं घेण्याऐवजी हळदीचा चहा नैसर्गिक पर्याय ठरू शकतो.
पावसाळ्यातलं वातावरण आणि कमी हालचालींमुळे सांध्यांमध्ये ताठरपणा वाढू शकतो. त्यामुळे गुडघेदुखी आणि सांधेदुखीचा त्रास जास्त जाणवतो.
हळदीत कर्क्युमिन हा नैसर्गिक घटक असतो. त्याने सांध्यांमधील सूज कमी होते आणि वेदनाही कमी होतात.
'BMC Complementary Medicine and Therapies' मध्ये दिलेल्या माहितीनुसार, ऑस्टिओआर्थरायटिस असलेल्या रुग्णांमध्ये हळद दुखणं कमी करण्यासाठी उपयोगी ठरते.
काही संशोधनानुसार रोज हळदीचं सेवन केल्यावर फक्त वेदना कमी होत नाहीत, तर चालणे-फिरणेही जास्त सोपं होतं.
एक कप पाण्यात अर्धा ते एक चमचा हळद घालून ५ ते ७ मिनिटं उकळून घ्या. इच्छेनुसार आलं, दालचिनी, काळी मिरी आणि शेवटी मध घालू शकता.
काळ्या मिरीतले पायपेरिन हळदीतले कर्क्युमिन शरीरात जास्त प्रभावीपणे शोषलं जाण्यास मदत करतं.
हळदीचा चहा काही लोकांना वेदना कमी करायला मदत करू शकतो. पण डॉक्टरांचा सल्ला घेणं गरजेचं आहे.
संतुलित आहार, नियमित हलका व्यायाम, पुरेसे पाणी आणि हळदीचा मर्यादित वापर यामुळे सांध्यांचे आरोग्य चांगले ठेवण्यास मदत होऊ शकते.