Sakshi Sunil Jadhav
अनेक लोक सही करताना शेवटी १ 1, 2 किंवा 3 टिंब लावतात. बऱ्याचदा चेक साइन, बॅंकेचे फॉर्म सरकारी कागदपत्रे किंवा ऑफिसच्या कामात ही सवय नेहमी दिसते.
काहींना हे 'स्टाईल' वाटते तर काहींना शुभ' वाटतं. पण तज्ज्ञांच्या मते स्वाक्षरीनंतर टिंब लावणे ही सवय भविष्यात गंभीर अडचणी निर्माण करू शकतात.
स्वाक्षरी ही फक्त स्टाईल नसून तुमची कायदेशीर ओळख (Legal Identity) असते. आर्थिक व्यवहार, सरकारी प्रक्रिया आणि ओळख पडताळणीचा हा सर्वात महत्त्वाचा घटक आहे. त्यामुळे बदलणारी स्वाक्षरी प्रत्येक वेळी धोका वाढवते.
आज एक टिंब, उद्या दोन टिंब, कधी तीन टिंब अशा बदलांमुळे तुमची स्वाक्षरी सिस्टममध्ये जुळत नाही, असे दाखवले जाऊ शकते.
बँक चेक न स्वीकारणे, पासबुक अपडेट न होणे, पैसे ट्रान्सफर अडकणे, फॉर्म रिजेक्ट होणे अशा समस्यांना सामोरे जावे लागू शकते.
पासपोर्ट, जमीन नोंदणी, कोर्ट दस्तऐवज किंवा सरकारी अर्जांमध्ये स्वाक्षरी जुळत नसेल तर कागदपत्र अमान्य घोषित केले जाऊ शकते.
1 किंवा 3 टिंब भाग्य आणतात, अशी अंधश्रद्धा अनेकांच्या मनात आहे. प्रत्यक्षात स्वाक्षरीचे भाग्याशी काहीही नाते नाही.
तुमच्या स्वाक्षरीतील टिंब वाढवणे कमी करणे फसवणूक करणाऱ्यांसाठी अतिशय सोपी गोष्ट असते. त्यामुळे खोटी कागदपत्रे तयार होण्याचा धोका वाढतो.