Satish Daud
महाराष्ट्रातील अनेक ठिकाणी लावणी करत प्रेक्षकांना वेड लावणारी गौतमी पाटील सतत चर्चेत असते.
सोशल मीडियावर गेल्या काही दिवसांपासून गौतमी पाटील ही चांगलीच व्हायरल झाली आहे.
सांगली जिल्ह्यातील बेडग गावामध्ये झालेल्या तिच्या लावणीच्या कार्यक्रमाला प्रेक्षकांची गर्दी लोटली होती.
गौतमी पाटीलच्या लावणीवर अनेकजण फिदा आहेत.
दरम्यान, आता गौतमी पाटील राजकारणात येणार असल्याची चर्चा सुरू झाली आहे.
गौतमी लवकरच राजकारणात प्रवेश करून समाजसेवा करणार असल्याच्या चर्चा सुरू झाल्या आहेत.
याबाबत काही माध्यमांनी गौतमीला खरंच राजकारणात येणार का? असा प्रश्नही विचारला.
मात्र, गौतमी पाटील हिने या बातम्यांमध्ये तथ्य नसल्याचं स्पष्ट केलं आहे.
गौतमीने प्रसार माध्यमांशी बोलताना डिजिटल विश्वात म्हणजेच वेबसीरिजमध्ये पदार्पण करणार असल्याची माहिती दिली आहे.