Manasvi Choudhary
कोणत्याही संसारात किंवा वैवाहिक आयुष्यात नवरा-बायकोमध्ये भांडणे होणे ही सामान्य गोष्ट आहे. पण हे वाद जर दररोजचे झाले आणि त्यातून मनस्ताप वाढला, तर नात्यात दुरावा निर्माण होऊ शकतो.
पती-पत्नीमधील प्रेम टिकवून ठेवण्यासाठी आणि भांडणे टाळण्यासाठी संसारात काही गोष्टींची काळजी घेणे गरजेचे असते.
बऱ्याचदा भांडण तेव्हा वाढते जेव्हा दोघेजण एकमेकांचे ऐकून न घेता फक्त स्वतःचे म्हणणे खरे करण्याचा प्रयत्न करतात. जोडीदार बोलत असताना शांतपणे त्याचे ऐकून घ्या.
वादाच्या किंवा रागाच्या भरात तोंडून गेलेले वाईट शब्द किंवा जुन्या चुका काढल्यामुळे समोरच्या व्यक्तीच्या मनाला खोलवर जखम होते. रागात असताना काहीवेळासाठी शांत राहणे महत्वाचे आहे.
नात्यात 'मी मोठा' किंवा 'माझी चूक नाही' हा अहंपणा आणू नका. चूक नसली तरीही नातं वाचवण्यासाठी किंवा विषय मिटवण्यासाठी कधीकधी स्वतःहून सॉरी म्हणा.
कोणतीही समस्या किंवा अडचण आली की एकमेकांना दोष देण्यापेक्षा तोडगा काढू शकतो यावर चर्चा करा.
दिवसभर कितीही मोठे खटके उडाले किंवा वाद झाले तरी रात्री झोपताना तो विषय तिथेच संपवून एकमेकांशी प्रेमाने दोन शब्द बोला.