Sakshi Sunil Jadhav
लग्नसमारंभ किंवा खास कार्यक्रमांमध्ये घालण्यात येणाऱ्या बनारसी, सिल्क किंवा कांजीवरमसारख्या महागड्या आणि जड साड्या धुताना खूप काळजी घ्यावी लागते.
साडीवर दिलेले केअर इंस्ट्रक्शन टॅग नीट वाचणे खूप महत्त्वाचे आहे. त्यावर “ड्रायक्लिन ओन्ली” असे लिहिले असल्यास घरच्या घरी धुणे टाळा.
जड साड्या धुण्यासाठी साधा डिटर्जेंट पावडर वापरू नका. त्याऐवजी बेबी शॅम्पू किंवा सिल्कसाठी खास लिक्विड क्लीनर वापरणे योग्य ठरते.
एका टबमध्ये थंड पाणी घ्या आणि त्यात डिटर्जेंट नीट मिसळा. त्यानंतर साडी 5 ते 7 मिनिटेच त्या पाण्यात भिजवून ठेवा.
जरी, कढाई किंवा सिक्विन असलेल्या साड्या कधीही जोरात चोळू नयेत. पाण्यात हलक्या हाताने वर-खाली करून स्वच्छ करा.
हलका डाग असल्यास त्यावर लिंबाच्या रसाचे काही थेंब लावा. 2 ते 3 मिनिटांनंतर थंड पाण्याने धुवा. आधी साडीच्या कोपऱ्यावर टेस्ट करणे विसरू नका.
मशीनमध्ये धुताना साडी उलटी करून वॉशिंग बॅगमध्ये ठेवा. त्यानंतर डेलिकेट किंवा सिल्क मोड निवडा आणि स्पिन ऑप्शन कमी ठेवा.
धुतल्यानंतर साडी कधीही पिळू नका. टॉवेलवर पसरवून अतिरिक्त पाणी शोषून घ्या.
साडी नेहमी सावलीत सुकवा. थेट उन्हात ठेवल्यास रंग फिका पडू शकतो.
सिल्क किंवा जड साड्यांवर थेट इस्त्री करू नका. मध्ये कापड ठेवून प्रेस करा आणि साडी नेहमी कॉटन कव्हरमध्ये ठेवून साठवा.