Sakshi Sunil Jadhav
लग्नाचा दिवस प्रत्येक मुलीसाठी खास असतो. त्या दिवशी नवरीसोबत तीची करवलीही सुंदर, आकर्षक दिसते. तुम्हालाही लग्नात सगळ्यात सुंदर अन् फॅशनेबल लूक करायचा असेल तर लेहेंग्याच्या पुढील टिप्स फॉलो करा.
लेहेंगा कितीही सुंदर दिसत असला तरी तो तुमच्या उंची, त्वचेचा रंगाला शोभतोय का पाहाच. यासाठी तुम्ही ट्रायल करू शकता.
उंच आणि सडपातळ असलेल्यांनी घेरदार लेहेंगा खरेदी करा. यामुळे उंची जास्त वाटत नाही आणि लूक बॅलन्स राहतो.
गोऱ्या त्वचेवर पेस्टल, पिंक, पीच, लाइट ग्रीन तसेच गडद लाल रंगही छान खुलतो. गडद रंग निवडल्यास सौंदर्य अधिक उठून दिसते.
कमी उंची आणि जाड शरीरयष्टी असल्यास जास्त घेरदार आणि मोठ्या डिझाइनचा लेहंगा टाळावा. बारीक डिझाइन आणि सरळ कट योग्य ठरतो.
उंची चांगली पण शरीर जड असल्यास फिटिंग लेहंगा घालावा. यामुळे शरीर सडपातळ दिसते. लांब बाह्यांचा ब्लाऊज लूकला आकर्षक बनवतो.
गव्हाळ त्वचेच्या दुल्हनींनी रूबी रेड, नेव्ही ब्लू, ऑरेंज रस्ट, गोल्डन किंवा रॉयल ब्लू रंग असे रॉयल रंग निवडा. पेस्टल रंग टाळलेलेच बरे.
सावळ्या रंगाच्या दुल्हनींवर मॅजेंटा, लाल, नारंगी, निळा असे ब्राइट रंग खुलतात. परंपरेनुसार परवानगी असल्यास पांढराही सुंदर दिसतो.
कमरेखालील भाग जड असल्यास फार जड किंवा जास्त घेराचा लेहंगा नको. यामुळे खालचा भाग जास्त जड दिसतो.
लेहंगा खूप जड वर्कचा असेल तर ओढणी साधी ठेवा. दोन्ही जड असतील तर लूक ओव्हरलोडेड दिसतो. वजन पेलवेल एवढाच लेहंगा निवडा.