Sakshi Sunil Jadhav
सध्या सगळ्यांनाच हेल्दी नाश्ता करायला आवडतो. पुढील बातमीत आपण ज्वारीच्या इडल्यांची सोपी रेसिपी जाणून घेणार आहोत.
१ कप ज्वारीचे पीठ, २ कप रवा, १ कप दही, २ कप पाणी, १ चमचा आलं-हिरवी मिरची पेस्ट, चवीनुसार मीठ, १ चमचा ईनो किंवा बेकिंग सोडा, थोडी कोथिंबीर आणि तेल इ.
एका मोठ्या भांड्यात ज्वारीचं पीठ, रवा आणि दही एकत्र करून घ्या.
आता गरजेनुसार त्यामध्ये पाणी घालून घट्टसर बॅटर तयार करा.
आता बॅटरमध्ये आलं-हिरवी मिरची पेस्ट, मीठ आणि कोथिंबीर घालून चांगलं मिक्स करून घ्या.
पुढे हे मिश्रण १५ ते २० मिनिटं झाकून ठेवा, त्यामुळे रवा मऊ होतो.
इडली बनवण्यापूर्वी त्यात ईनो किंवा बेकिंग सोडा घाला आणि हलक्या हाताने मिक्स करा.
इडलीच्या साच्यांना हलके तेल लावा. प्रत्येक साच्यात तयार बॅटर ओता.
इडल्या १० ते १२ मिनिटं वाफेवर शिजवा. तयार ज्वारीच्या इडल्या नारळाची चटणी किंवा सांबारसोबत सर्व्ह करा.