Sakshi Sunil Jadhav
पावसाचे थेंब, गार वारा आणि हातात गरमागरम चहाचा कप... अशा वातावरणात काहीतरी कुरकुरीत आणि चविष्ट खाण्याची प्रत्येकालाच इच्छा होते.चला जाणून घेऊयात क्रिस्पी कॉर्न पकोड्यांची सोपी अन् झटपट रेसिपी.
स्वीट कॉर्न, कप बेसन, तांदळाचे पीठ, कॉर्नफ्लोअर, लाल तिखट, हळद, जिरे, हिरव्या मिरच्या, थोडी कोथिंबीर, चिमूटभर हिंग, चवीनुसार मीठ, तेल इ.
उकडलेले स्वीट कॉर्न पूर्णपणे निथळून घ्या. त्यातील जास्तीचे पाणी निघाल्याने पकोडे जास्त कुरकुरीत होतात.
एका मोठ्या भांड्यात बेसन, तांदळाचे पीठ, कॉर्नफ्लोअर, तिखट, हळद, जिरे, हिंग आणि मीठ एकत्र मिक्स करा.
त्यात स्वीट कॉर्न, हिरवी मिरची आणि कोथिंबीर घाला. गरज वाटल्यास फक्त 1 ते 2 टेबलस्पून पाणी घालून घट्ट मिश्रण तयार करा.
कढईत तेल मध्यम आचेवर गरम करा. तेल खूप गरम किंवा खूप थंड ठेवू नका, नाहीतर पकोडे योग्य कुरकुरीत होत नाहीत.
तयार मिश्रणाचे छोटे-छोटे गोळे तेलात सोडा आणि सोनेरी रंग येईपर्यंत दोन्ही बाजूंनी तळून घ्या.
तळलेले पकोडे टिश्यू पेपरवर काढा, त्यामुळे जास्तीचे तेल शोषले जाईल आणि पकोडे अजून खमंग लागतील.
गरमागरम क्रिस्पी कॉर्न पकोडे हिरवी चटणी, टोमॅटो सॉस किंवा मसाला चहासोबत सर्व्ह करा. पावसाळी संध्याकाळीसाठी हा एक परफेक्ट नाश्ता आहे.