Sakshi Sunil Jadhav
सध्या बाजारात अनेक बनावट गोष्टींचे पदार्थ विकले जात आहेत. फळांसोबत काही भाज्यांचाही यामध्ये समावेश आहे.
सध्या मार्केटमध्ये हायब्रिडचे टोमॅटो मिळत आहेत. त्यामुळे तुम्ही हे विकत घेताना काळजी घेणं आवश्यक आहे.
टोमॅटो हा भारतीय घरांमध्ये रोजच्या रोज वापरला जाणारा पदार्थ किंवा भाजी आहे. त्यामुळे याकडे दुर्लक्ष करणं चुकीचं ठरेल.
चला जाणून घेऊयात, कोणते टोमॅटो हे हायब्रीड असतात आणि कोणते देसी?
देसी टोमॅटो लाल-नारंगी किंवा कधी लाल-पिवळ्या रंगात दिसतो, तर हायब्रिड टोमॅटो डार्क लाल आणि जास्त चमकदार असतो.
देसी टोमॅटो वेगवेगळ्या आकारात आणि एकाच आकाराचे नसतात. हायब्रिड टोमॅटो मात्र एकसारखे, परफेक्ट गोल किंवा लांबट असे दिसतात.
देसी टोमॅटो आंबट-गोड आणि रसाळ असतो. हायब्रिड टोमॅटोची चव एकदम साधी, कमी आंबट आणि कमी गोड अशा पद्धतीची असते.
देसी टोमॅटो कापल्यावर जास्त रस सुटतो. हायब्रिड टोमॅटो तुलनेने कमी रसाळ असतो.
खूपच चमकदार, एकसारख्या आकाराचे टोमॅटो असेल तर ते हायब्रिड असण्याची शक्यता जास्त असते. तर नैसर्गिक रंग आणि आकार असलेले टोमॅटो हे खाण्यासाठी योग्य ठरतील.