Surabhi Jayashree Jagdish
अंडं खराब झालं आहे की नाही, हे ओळखण्यासाठी काही सोप्या आणि घरगुती पद्धती आहेत.
खराब झालेलं अंडं खाल्ल्यास आरोग्यासाठी धोकादायक ठरू शकतं, त्यामुळे ते ओळखणं खूप महत्त्वाचं आहे.
एका भांड्यात पाणी घ्या. अंडं पाण्यात सोडा. जर ते बुडालं तर ते ताजं आहे.
जर अंडं पाण्याच्या मध्यभागी उभं राहिलं, तर ते जुनं आहे. जर ते पाण्यावर तरंगू लागलं, तर ते खराब झालं आहे.
अंडं फोडल्यावर वास घ्या. जर त्यातून सडलेला किंवा तीव्र वास आला, तर ते लगेच फेकून द्या.
अंडं फोडल्यावर, पिवळा भाग (योक) गोल आणि उंच असावा. जर तो सपाट दिसत असेल, तर ते जुनट आहे.
अंड्याच्या कवचावर तडा किंवा छिद्र असेल तर ते वापरू नका, कारण त्यात जंतू गेले असण्याची शक्यता असते.