Chandrakant Jagtap
इंडियन प्रीमियर लीगचा 16वा हंगाम उद्यापासून म्हणजेच 31 मार्चपासून सुरू होत आहे.
आयपीएलमध्ये 2008 पासून फक्त मानधनातून 150 कोटींहून अधिक कमाई करणाऱ्या खेळाडूंच्या यादीत 3 खेळाडू आहेत.
विशेष म्हणजे ही तिन्ही नावं भारतीय आहेत. यात पहिल्या क्रमांकावर मुंबईचा कर्णधार रोहित शर्माचं नाव आहे.
रोहितने आयपीएलमधून 178 कोटी रुपये कमावले आहे. 2008 मध्ये 3 कोटी घेतलेल्या रोहितचं सध्याचं मानधन 16 कोटी रुपये आहे.
आयपीएलच्या पहिल्या सत्रात धोनी सर्वात महागडा खेळाडू होता. पहिल्या हंगामात धोनीचं मानधन 6 कोटी रुपये होतं, ते सध्या 12 कोटी रुपये आहे.
आयपीएलमधून कमाईच्या बाबतीत धोनी दुसऱ्या क्रमांकावर असून त्याने आतापर्यंत सुमारे 176 कोटी रुपये कमावले आहेत.
विराट कोहली आयपीएलमधून कमाईच्या बाबतीत तिसऱ्या क्रमांकावर आहे. त्याने आतापर्यंत आयपीएलमधून 173 कोटी रुपये मानधन घेतले आहे.
याशिवाय मिस्टर आयपीएल अशी ओळख असलेल्या सुरेश रैनाने आयपीएलमधून 110 कोटी रुपये मानधन घेतले आहे.
आयपीएलमधील कमाईच्या बाबतीत रवींद्र जडेजाही मागे नाही, त्याने आयपीएलमधून आतापर्यंत 109 कोटी मानधन घेतले आहे.