Sakshi Sunil Jadhav
बदलत्या खाण्यापिण्याच्या सवयींमुळे अनेकांना उच्च कोलेस्ट्रॉलची समस्येला सामोरं जावं लागत आहे.
खराब कोलेस्ट्रॉलची पातळी वाढल्यावर चरबीचा थर जमा होण्याचा धोका, मेंदूला कमी रक्त पुरवठा, रक्ताच्या गाठी, रक्तवाहिन्यांमध्ये अडथळे या समस्या वाढतात.
सफरचंदामध्ये पेक्टिन नावाचे विद्राव्य फायबर असतं. हे आतड्यांमधले कोलेस्ट्रॉलचे शोषण कमी करण्यास मदत करते. त्यामुळे सफरचंद सालीसकट खाणं फायदेशीर ठरतं.
संत्र्यामध्ये व्हिटॅमिन सी, फायबर आणि अँटीऑक्सिडंट्स असतात. हे घटक शरीराच्या आरोग्यासाठी फायदेशीर असून कोलेस्ट्रॉल नियंत्रणासाठी मदत करू शकतात.
पेरमध्ये विद्राव्य आणि अविद्राव्य फायबर असतं. यामुळे पचनक्रिया सुधारण्यास आणि कोलेस्ट्रॉलची पातळी नियंत्रणात ठेवायला मदत होते. तसेच पोट जास्त वेळ भरलेलं राहतं.
ॲव्होकॅडोमध्ये मोनोअनसॅच्युरेटेड फॅट असतं. लोणी किंवा तुपासारख्या संतृप्त चरबीयुक्त पदार्थांच्या जागी मर्यादित प्रमाणात ॲव्होकॅडो खाल्ल्याने वाईट कोलेस्ट्रॉल कमी होतं.
जांभळामध्ये फायबर आणि अँथोसायनिनसारखे अँटीऑक्सिडंट्स असतात. हे शरीरातील पेशींचे ऑक्सिडेटिव्ह ताणापासून संरक्षण होतं. त्यामुळे हृदयाच्या आरोग्यासाठी जांभूळ फायदेशीर ठरू शकते.
केळ्यामध्ये फायबर आणि पोटॅशियम असते. फायबरमुळे कोलेस्ट्रॉल नियंत्रणास मदत होते, तर पोटॅशियम रक्तदाब संतुलित ठेवलायला हातभार मिळतो. त्यामुळे केळ्याचा आहारात समावेश करणं फायदेशीर ठरू शकते.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.