Sakshi Sunil Jadhav
घरात अचानक पाहुणे आले आणि भाजीच नाही? मग ही राजस्थानची प्रसिद्ध पापडाची भाजी ठरेल सगळ्यात बेस्ट. काही मिनिटांत तयार होणारी ही डिश फक्त स्वादिष्ट नाही तर प्रोटीनने भरलेली आहे.
४-५ भाजलेले किंवा तळलेले पापड, २ टेबलस्पून तेल, १ टीस्पून मोहरी, १ टीस्पून जिरे, १ बारीक चिरलेला कांदा, बारीक चिरलेला १ टोमॅटो, हिरवी मिरची २, लसणाच्या पाकळ्या, हळद, लाल तिखट, धणे-जिरे पूड, मीठ, तेल, कोथिंबीर आणि पाणी.
सर्वप्रथम एका कढईत तेल गरम करून घ्या. मग त्यामध्ये कांदा, मिरची आणि लसणाच्या पाकळ्या घालून त्यांना सोनेरी रंग येईपर्यंत परतून घ्या.
एकदा का कांद्याला सोनेरी रंग आला की लगेचच त्यामध्ये टोमॅटो घालून परता. याला पूर्ण मऊ होईपर्यंत परतवून घ्या.
टोमॅटो सॉफ्ट झाला की त्यामध्ये सगळे मसाले घालून व्यवस्थित परतून घ्या. मसाले घातल्यावर गॅस स्लो करा. अन्यथा तुमची फोडणी करपू शकते.
दही घालून पटकन ढवळा, त्यामुळे ते फाटणार नाही. थोडं पाणी घालून ग्रेव्ही उकळू द्या. शेवटी पापडाचे तुकडे टाकून २ मिनिटे शिजवा.
गॅस बंद करून कोथिंबीर घाला आणि गरम भात किंवा फुलक्यासोबत सर्व्ह करा. ही रेसिपी मटणापेक्षाही चवीला उत्तम लागते.
खूप वेळ शिजवू नका, नाहीतर पापड मऊ होतात. दहीऐवजी क्रीम वापरल्यास आणखी रिच चव येते. ही भाजी दुपारच्या जेवणात किंवा रात्रीच्या जेवणात उत्तम लागते.