Manasvi Choudhary
अनेकदा आपण कोणतेही शारीरिक मेहनत किंवा कष्टाचे न करूनही हाताच्या तळव्यांना घाम येतो. अनेकदा याकडे सामान्य समजून दुर्लक्ष करतो परंतु वारंवार असा त्रास होत असेल तर ते शरीरातील या आजाराचे लक्षण असू शकते. ज्याला 'हायपरहायड्रोसिस' म्हणतात.
हाताला जास्त घाम येण्याचे हे सर्वात सामान्य कारण आहे. यामध्ये मज्जासंस्थेतील बिघाडामुळे घामाच्या ग्रंथी अतिसक्रिय होतात. यात प्रामुख्याने दोन्ही तळहातांना आणि पायांच्या तलव्यांना जास्त घाम येतो, मात्र झोपेत असताना हा घाम सहसा थांबतो.
जेव्हा आपण प्रचंड तणावात किंवा टेन्शनमध्ये असतो, तेव्हा शरीराचे सिम्पेथेटिक मज्जामंडळ सक्रिय होते. यामुळे तळहात, पाय आणि कपाळावर घाम फुटण्याचे प्रमाण वाढते.
शरीरात थायरॉईड ग्रंथीचे कार्य असंतुलित झाल्यास चपचय (Metabolism) बिघडतो, ज्यामुळे शरीराचे तापमान वाढून अतिप्रमाणात घाम येण्याची समस्या निर्माण होते.
मधुमेह असलेल्या किंवा रक्तातील साखरेची पातळी अचानक कमी (Hypoglycemia) झालेल्या व्यक्तींच्या हाताला कंप सुटणे आणि घाम येणे अशी लक्षणे दिसतात.
महिलांमध्ये रजोनिवृत्तीच्या (Menopause) काळात किंवा शरीरात हार्मोनल बदल होत असताना उष्णतेच्या लाटा आल्यासारखे वाटून घाम सुटू शकतो. तसेच काही ठराविक औषधांच्या सेवनामुळेही हा त्रास होऊ शकतो.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.