Sakshi Sunil Jadhav
थंडी असो वा उन्हाळा सगळ्यांनाच केस गळतीच्या समस्यांना सामोरं जावं लागतं. विशेषता महिलांना केसांची विशेष काळजी घ्यावी लागते.
फक्त केस नाही तर महिलांना त्यांच्या चेहऱ्यासंबंधीत अनेक समस्यांना सामोरं जावं लागतं. त्यावर उपचार म्हणून अनेकजणी महागडे प्रोडक्ट्स घेतात.
तुम्हाला जर घरच्याघरी आणि कमी पैशात तुमच्या केसांच्या चेहऱ्याची समस्या दूर करायच्या असतील तर पुढील उपाय बेस्ट ठरेल.
तुम्ही उपचारासाठी मेथीच्या दाण्यांचा पुरेपुर वापर करु शकता. त्यामध्ये अनेक गुणधर्म असतात जे तुमच्या केस आणि चेहऱ्यासाठी फायदेशीर ठरु शकतात.
११ ग्रॅम मेथीच्या दाण्यांमध्ये ३ ग्रॅम फायबर, ३ ग्रॅम प्रोटीन, ३.७२ मिलीग्राम आयरन, २१.२ मिलीग्रॅम मॅग्नेशिअम असे अनेक पोषक तत्व असतात.
मेथीच्या दाण्यांच्या वापराने केस गळण्याच्या समस्या कमी होतात. याचसोबत केस मऊ होतात.
तुमच्या चेहरा खूप कोरडा आणि चेहऱ्यावर मुरुमाच्या समस्या जाणवत असतील तर तुम्ही मेथीच्या दाण्यांचा वापर करु शकता.
तुम्ही मेथीचे दाणे रात्री भिजत घालून सकाळी गाळून घेऊ शकता. मग ते पाणी उकळून चेहऱ्याला आणि केसांच्या मुळांना लावा.