Manasvi Choudhary
गणपती बाप्पाच्या आगमनासाठी अवघे दोन दिवस शिल्लक राहिले आहेत.
बाप्पाच्या स्वागतासाठी सर्वत्र जोरदार तयारी सुरू आहे. सजावटीच्या साहित्यांनी बाजारपेठाही सजल्या आहेत.
घरोघरी स्वच्छतेपासून ते बाप्पासाठी नैवेद्य तयार करण्यामध्ये सर्वजण गुंतले आहेत.
आरास सजावटीसाठी बाजारातील दुकांनामध्ये मोठ्या प्रमाणात गर्दी होत आहे.
गोल मण्यांची माळ, मोत्यांची माळ, चंदन हार, कापडी आणि कागदी फुलांच्या माळा, लटकण यासह वेगवेगळ्या डिझाइन्सच्या लाइट्सची मोठी मागणी आहे.
इकोफ्रेंडली गणेशोत्सव साजरा करण्यासाठी सजावटीत कापडाला अधिक प्राधान्य देण्यात आले आहे. कापडी साहित्य, फुलांच्या वेली, तोरणे आणि जास्वंदी फुलांचे हार याला ग्राहकांकडून चांगली पसंती मिळतेय.
कागदापासून तयार केलेले वेगवेगळ्या डिझानचे मकर, झालर, विविध डिझाईन्सचे पडडे सजावटीसाठी मार्केटमध्ये उपलब्ध आहेत.