Gangappa Pujari
राज्यभरात सर्वत्र गणेशोत्सवाचा उत्साह दिसून येत आहे.
सार्वजनिक मंडळांपासून ते घरोघरी बाप्पाच्या आगमनाची जय्यत तयारी आणि मोठा सोहळा सुरु आहे.
राजकीय नेते, सेलिब्रटी यांनीही बाप्पाचं घरी दणक्यात स्वागत केलं आहे.
मराठी सिनेसृष्टीतही बाप्पाच्या आगमनाचा जल्लोष पाहायला मिळत आहे.
सोशल मीडियावर अभिनेते- अभिनेत्रींच्या लाडक्या बाप्पांचे फोटो चांगलेच व्हायरल होत आहेत.
बिग बॉस फेम मराठी अभिनेत्री रुचिरा जाधवनेही आपल्या सोशल मीडिया अकाउंटवर गणपती बाप्पाचे फोटो शेअर केले आहेत.
फोटोंमध्ये रुचिराने बाप्पांची सुंदर मुर्ती हातात घेतल्याचे दिसत आहे.
रुचिराच्या या पोस्टवर चाहत्यांनीही जोरदार प्रतिक्रिया दिल्या आहेत.
मराठी बिग बॉसमधून अभिनेत्री रुचिराने सिनेसृष्टीत प्रचंड लोकप्रियता मिळवली.
तसेच माझ्या नवऱ्याची बायको या मालिकेतही तिची लक्षवेधी भूमिका पाहायला मिळाली होती.