Sakshi Sunil Jadhav
पालक खाताना लहान मुलं नाक मुरडतात. पण तुम्ही त्यांच्या आवडीनुसार एका वेगळ्या आणि खास पद्धतीने पालक खायला देऊ शकता.
तुम्ही घरच्या घरी क्रिस्पी पालक आणि पनीर टोस्ट रेसिपी बनवून तुमच्या फॅमिलीला खुश करु शकता. ही रेसिपी अत्यंत सोपी आणि साधी आहे.
4 ब्राउन ब्रेड टोस्ट केलेले, ३ कप उकडवलेली पालक, १ वाटी मॅश केलेले पनीर, १ चमचा मेयोनिज, २ हिरव्या मिरच्या, मीठ, काळी मिरी इ.
एका भांड्यात मॅश केलेले पनीर, उकडलेली पालक, मेयोनिज, हिरव्या मिरच्या, मीठ आणि काळी मिरी घालून सर्व मिश्रण चांगले एकजीव करा.
ब्रेड स्लाइसवर तयार स्टफिंग समान पसरवा. त्यावर दुसरा ब्रेड स्लाइस ठेवून हलकेच दाबा.
तव्यावर बटर किंवा तूप गरम करून तयार टोस्ट दोन्ही बाजूंनी सोनेरी व कुरकुरीत होईपर्यंत भाजा. मध्यम आचेवर भाजल्याने टोस्ट जास्त क्रिस्पी होतात.
गरमागरम टोस्ट टोमॅटो सॉस किंवा ग्रीन चटणीसोबत सर्व्ह करा. वरून थोडा चाट मसाला टाता. त्याने चव वाढते.
ही रेसिपी फक्त १५ ते २० मिनिटांत तयार होते. शाळेच्या डब्यासाठी किंवा संध्याकाळच्या स्नॅक्ससाठी उत्तम पर्याय आहे.