ब्युरो रिपोर्ट, साम टीव्ही, मुंबई
चेहऱ्यावरील ब्लॅकहेड्समुळे लूक खराब होतो, म्हणून ब्लॅकहेड्स काढण्यासाठी हे घरगुती उपाय नक्की ट्राय करा.
नाकावरील ब्लॅकहेड्स दूर करण्यासाठी तुम्ही ओटमील आणि लिंबाचा रस वापरू शकता. या दोन्ही घटकांमध्ये व्हिटॅमिन सी, व्हिटॅमिन ई, लोह आणि अँटीऑक्सिडंट्स सारखे पोषक घटक असतात.
प्रथम ओटमील आणि लिंबाचा रस एक चमचा दह्यात मिसळा. ही पेस्ट तुमच्या नाकावर मसाज करा. १५ मिनिटे तसेच राहू द्या. नंतर कोमट पाण्याने धुवा.
नाकावरील ब्लॅकहेड्स काढण्यासाठी लिंबाचा रस आणि दालचिनी पावडर देखील तितकेच प्रभावी आहेत. दोन्हीमध्ये अँटीऑक्सिडंट्स, फायबर, मँगनीज, लोह आणि कॅल्शियम असते.
दालचिनी पावडर लिंबाच्या रसात मिसळा. ब्लॅकहेड्स असलेल्या ठिकाणी लावा. सुकल्यानंतर धुवा. यामुळे पोअर्स उघडण्यास मदत होते आणि ब्लॅकहेड्स निघून जातात.
तांदळाच्या पीठामध्ये कार्बोहायड्रेट्स, फायबर, प्रोटीन, व्हिटॅमिन,आयरन , मॅग्नशियम आणि फॉस्फरस असतात.
तांदळाच्या पिठाला कोरफडीच्या जेलमध्ये मिसळून पेस्ट बनवा. ही पेस्ट तुमच्या नाकाला लावा. ती सुकली की पाण्याने धुवा. तुम्हाला फरक जाणवेल.