Manasvi Choudhary
भात आहारातील मुख्य घटक आहे. रोजच्या रोज आहारात भात खाल्ला जातो. अनेकांचे भात खाल्ल्याशिवाय जेवण पूर्ण होत नाही. मात्र अतिप्रमाणात भात खाल्ल्याने आरोग्यावर गंभीर परिणाम होतात.
भाताचा ग्लायसेमिक इंडेक्स उच्च असतो त्यामुळे जास्त प्रमाणात भात खाल्याने रक्तातील साखरेचे प्रमाण झपाट्याने वाढू शकते म्हणून मधुमेहाच्या रूग्णांनी भात खाताना योग्य काळजी घेणे महत्वाचे आहे.
भातामध्ये कॅलरीज आणि कर्बोदके भरपूर असतात. जर तुम्ही अति प्रमाणात भात खाल्ला, तर अतिरिक्त कॅलरीज वाढते.
भातात कार्बोहायड्रेट्सचे प्रमाण अधिक असते. अतिप्रमाणात कार्बोहायड्रेट्सचे सेवन केल्यामुळे शरीरातील बॅड कोलेस्ट्रॉलची पातळी वाढू शकते.
जास्त प्रमाणात भात खाल्ल्याने आळस येतो. अत्यंत कंटाळवाणे वाटते. कामामध्ये लक्ष राहत नाही.
पांढऱ्या भातामध्ये फायबरचे प्रमाण खूप कमी असते. त्यामुळे जर आहारात जास्त भात खाल्ला तर बद्धकोष्ठता आणि पोट फुगीचा त्रास होऊ शकतो.
ज्या लोकांना थायरॉईडचा त्रास आहे, त्यांनी पांढऱ्या भाताचे सेवन मर्यादित प्रमाणात करावे.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.