कोमल दामुद्रे
रोज सकाळी महिनाभर भिडवलेले अक्रोड खाल्ल्याने शरीराला अनेक फायदे होतील. अक्रोडमध्ये अनेक प्रकारचे पोषकतत्व असतात जे आरोग्यासाठी चांगले असतात.
अक्रोडमध्ये ओमेगा-३ फॅटी ऍसिड, प्रोटिन, विटामिन ई सारखे घटक आहेत. भिजवलेले अक्रोड खाल्ल्याने फायबर आणि पोषकतत्व सहज शरीराला सहज मिळते.
अक्रोडमध्ये ओमेगा-3 फॅटी अॅसिड असते, जे हृदयाच्या आरोग्यासाठी महत्त्वाचे असते. ते खराब कोलेस्टेरॉल (LDL) कमी करण्यात आणि चांगले कोलेस्ट्रॉल (HDL) वाढविण्यात मदत करतात. यामुळे हृदयविकाराचा धोका कमी होऊ शकतो.
अक्रोडमध्ये व्हिटॅमिन ई आणि अँटिऑक्सिडेंट असतात, जे मेंदूच्या आरोग्यासाठी महत्त्वाचे असतात. नियमितपणे मुलांना भिजवलेले अक्रोड खाऊ घातल्यास हुशार होतील.
अक्रोडमध्ये प्रथिने आणि फायबर असतात, ज्यामुळे दीर्घकाळ पोट भरल्यासारखे वाटते. त्यामुळे वजन नियंत्रणात राहिल.
अक्रोडमध्ये फायबर असते, जे पचनाच्या आरोग्यासाठी महत्त्वाचे असते. हे आतड्यांच्या हालचालींवर नियंत्रण ठेवण्यास आणि बद्धकोष्ठता टाळण्यास मदत करू शकते.
अक्रोडमध्ये कॅल्शियम, मॅग्नेशियम आणि फॉस्फरस मुबलक प्रमाणात आढळतात,ज्यामुळे हाडे मजबूत होतात.
अक्रोडमध्ये अँटिऑक्सिडेंट असतात, जे शरीराची प्रतिकारशक्ती वाढवण्यास मदत करतात. हे संक्रमणाशी लढण्यास आणि रोगांना दूर ठेवण्यास मदत करू शकते.
अक्रोड हे अतिप्रमाणात उष्ण असलेला अन्न घटक आहे. म्हणून, जर तुम्ही वजन कमी करण्याचा प्रयत्न करत असाल तर तुम्ही भिजवलेले अक्रोड मर्यादित प्रमाणात खावे.