Surabhi Jayashree Jagdish
थंडीच्या दिवसांत मानेला काळेपणा येणं ही अत्यंत सामान्य समस्या आहे. थंड हवा, ओलावा आणि त्वचेला कमी मिळणारा मॉइश्चर यामुळे मान कोरडी, राठ आणि काळसर दिसू लागते.
योग्य काळजी, स्वच्छता आणि घरगुती उपायांनी हा काळेपणा सहजपणे कमी करता येतो. खाली दिलेल्या सोप्या टीप्सने मान पुन्हा मऊ, सॉफ्ट आणि उजळ दिसू लागते.
मान स्वच्छ करण्यासाठी फेसवॉश किंवा उबदार पाण्यात भिजवलेला कापड वापरा. धूळ, घाम, आणि डेड स्किन काढल्याने काळेपणा कमी होतो.
साखर आणि लिंबाचा हलका स्क्रब मानेला लावा. डेड स्किन निघाल्याने काळेपणा कमी होतो. त्वचा अधिक मऊ आणि ताजी दिसते.
कोरफडीचा जेल रात्री मानेवर लावून ठेवा. यात नैसर्गिक उजळपणा आणणारे घटक असतात. नियमित वापराने त्वचा सॉफ्ट आणि ग्लोइंग होते.
बेसन, हळद आणि दूध एकत्र करून पेस्ट तयार करा. हा पॅक मानेवर १५ मिनिटे लावा आणि धुवा. त्वचा उजळण्यास आणि डार्कनेस कमी करण्यास मदत होते.
थंडीत त्वचा अधिक कोरडी पडते, म्हणून मानेवर मॉइश्चरायझर नक्की वापरा. कोरडेपणा कमी झाल्याने काळेपणाही कमी दिसतो. त्वचा मऊ व लवचिक राहते.
बाहेर जाताना मानेवर सनस्क्रीन लावा. सनटॅनमुळे मान काळसर बनते, त्यामुळे संरक्षण आवश्यक आहे. नियमित सनस्क्रीनने रंग कायम उजळ राहतो.