Sakshi Sunil Jadhav
नाचणीची भाकरी पौष्टिक आणि आरोग्यासाठी अत्यंत उपयुक्त मानली जाते. मात्र, अनेकांना ती थापताना तुकडे पडणे, भाकरी फुटणे किंवा शिजल्यानंतर वातड होणे अशी समस्या येते.
नाचणीचे पीठ जुने असेल तर भाकरी थापताना तुकडे पडतात. ताजे आणि बारीक भरडलेले पीठ वापरा.
नाचणीची भाकरी नेहमी उकळत्या पाण्यात भिजवलेल्या पिठातूनच छान होते. गरम पाणी वापरल्याने भाकरी मऊ आणि कमी फुटणारी होते.
अतिशय घट्ट किंवा अतिशय सैल पीठ भाकरीला योग्य आकार देत नाही. हाताला चिकटत नाही आणि गुळगुळीत वाटेल अशा मिक्सलाच उत्तम माना.
गरम पाणी घातल्यानंतर पीठ एक मिनिट झाकून ठेवा आणि मग नीट मळा. पिठाला लवचिकता मिळते आणि भाकरी फुटत नाही.
नाचणीचे पीठ कोरडे असल्याने थापताना हात आणि प्लास्टिक/प्लेट हलक्या पाण्याने ओलसर ठेवा. भाकरी गोल आणि मऊ होते.
खूप गरम तवा असेल तर भाकरी लगेच भाजते पण फुगत नाही. कमी गरम तव्यावर भाकरी कठीण होते. मध्यम आचेवर भाकरी सर्वोत्तम फुगते.
भाकरीच्या कडा कोरड्या दिसायला लागल्या कीच पलटा. खूप लवकर किंवा उशिरा पलटल्यास भाकरी वातड होते.
एक बाजू व्यवस्थित शिजल्यावर भाकरी सरळ गॅसवर भाजून फुगवा. यामुळे भाकरी मऊ व लुसलुशीत होते.
भाकरी भाजल्यावर लगेच झाकणात ठेवा जेणेकरून तिचे ओलसरपण टिकून राहील आणि ती कडक होणार नाही.
NEXT: Wednesday Horoscope: ४ राशींच्या व्यक्तींच्या व्यवसायात प्रगती, आर्थिक लाभाची शक्यता; वाचा बुधवारचे राशीभविष्य