Sakshi Sunil Jadhav
ओल्या नारळाचे वडे हा कोकणी व ग्रामीण भागातला लोकप्रिय आणि पारंपरिक नाश्ता मानला जातो. तुम्ही कोकणी असाल तर नक्कीच ही डीश तुम्हाला आवडेल.
पुढे दिलेल्या साहित्यापासून संपूर्ण कुटुंबासाठी पुरेसे वडे तयार होतील. ही रेसिपी अत्यंत सोपी आणि चवीला एकदम मस्त आहे.
दोन वाट्या तांदूळ, अर्धी वाटी तूर डाळ, अर्धी वाटी उडीद डाळ, ५ ते ६ सुक्या लाल मिरच्या, ४ ते ५ हिरव्या मिरच्या, २ वाट्या खोवलेले ओले खोबरे, कोथिंबीर, चवीनुसार मीठ, तेल.
तांदूळ व डाळी भिजत घालाव्यात. चार तासांनंतर तांदूळ आणि डाळी पाण्यातून काढून वाटून घ्याव्यात.
खोवलेले ओलं खोबरं वड्यांना नैसर्गिक गोडसर चव आणि मऊपणा मिळतो. त्यामुळे यात त्याचा वापर खूप आवश्यक आहे.
लाल सुक्या मिरच्या आणि हिरव्या मिरच्या बारीक वाटून त्याचा गोळा करुन घ्या. त्याने वडे चवीला मस्त झणझणीत लागतील.
पीठ जास्त बारीक किंवा पातळ वाटू नका. घट्टसर ठेवलं तर वडे चांगले खरपूस होतात.
तयार पिठाचे गोळे करून वडे थापावेत व छान खरपूस तळावेत. त्याने ते वरुन कुरकुरीत आणि आतून मऊ लागतात.
तुम्ही तयार केलेले हे वडे नारळाची, लसूण-शेंगदाण्याची किंवा हिरव्या मिरचीची चटणीसोबत सर्व्ह करा.
NEXT: Valentines Day Husband Gifts : नवऱ्याला द्या अंगठीच्या 'या' डिझाईन्सच्या भेट वस्तू, व्हेलेंटाईन होईल खास