Dhanshri Shintre
सुरगाणा तालुक्यात गेल्या काही दिवसांपासून सुरू असलेल्या सततच्या पावसामुळे निसर्ग पुन्हा एकदा रौद्र रूपात अवतरला आहे.
या मुसळधार पावसाचा परिणाम सुरगाण्यातील प्रसिद्ध भिवतास धबधब्यावर स्पष्टपणे दिसून येतोय.
दीडशे ते दोनशे फूट उंचावरून कोसळणारा हा धबधबा सध्या ओसंडून वाहत असून, त्याचं मनोहारी पण एकाच वेळी भयावह दृश्य पर्यटकांचं लक्ष वेधून घेत आहे.
शिव नदीला आलेल्या पुरामुळे या धबधब्यातील पाण्याचा प्रवाह प्रचंड वाढलेला आहे.
नाशिकपासून सुमारे ८० किलोमीटर अंतरावर असलेला हा धबधबा केवळ नाशिक जिल्ह्यातील नव्हे, तर महाराष्ट्र आणि गुजरात राज्यातील पर्यटकांचाही लाडका पर्यटनस्थळ आहे.
पावसाळ्यात येथे निसर्ग सौंदर्य अनुभवण्यासाठी मोठ्या संख्येने पर्यटक येतात.
सुरक्षेच्या दृष्टिकोनातून प्रशासनाने पर्यटकांना धबधब्याच्या अगदी खाली जाणं टाळण्याचं आवाहन केलं आहे.